Anima canta che na serenada

sto bèl dòss el la merita dassem

adèss che la luna sora ai monti la è levada

e qualche stela eluse nel serem.

Canteme dei pini alti e squasi neri

vèci e rugosi, vegnui 'n tra i sassi.

'n dove passa streti en la gera bei senteri

che se presta volentiera a far do passi.

Cantame de st'aria da l'odor de rasa,

dei cròzzi spacai su, dei verdi so spiazzoti,

dela paze che se gode, dei fiori chi de casa,

de le mame ciacolone a spass coi puteloti.

Cantame la storia del vecio castel

e del romitori a pic sul prezepizi

col campanil che sponze le nuvole del ziel.

Cantame il temp che chi hò passà, felize.

Eco è vegnù sera! Sul Zengio e sora i cròzzi

la luna buta arzent a piene man,

parla el vent coi pini...mili vozi

che se scolta sol su chi, a Montalbam!

G.A.