Quando adèss passo da Lòpi

vizim a quela landa desèrta e desolada

che na volta pareva en tòc

de ziel encastrà dentro la tèra,

me vègn adòss vèci ricòrdi

trovadi en la memoria.

 

E l’è ‘n slusegar de onde

vive e trasparenti

en do se tufeva el sol

o se negheva le nuvole

sgionfe de piòza

 

Nel ricordo vedo ninarse

na barca a fianc dela riva

e l’onda che sbate

compagna le vozi dei pescadori.

 

I ricordi ancora i se slarga

al par de na macia che toca le rive,

ricordo le frede sortive

e quei streti sentieri

davèrti su sfondi lontani,

i gropi de cane che dondola

come ‘m mbriaghe

soto na bava de vent.

 

Rivedo, ma sol nela ment

n’isolòt en de l’acqua

en mèz a le ninfee che ghe feva corona,

col capitèl dirocà dentro l’èco dei monti,

 

Adèss no ghè pù quei tramonti

a spegiarse ne l’acqua,

no ghè pù quei pessati che salta

cazzadi dal luz

e la luna sbrissiada dal ziel

dentro l’acqua d’arzent.

 

No ghè pù gnent

o meio, ghè ancora el vent

che passa de corsa

come gnent ghe fuss stà

co l’indiferente premura de chi passa e che va 

 

Gianfranco Arlanch